Liverpool ka vendosur të tërhiqet nga tentativa për të transferuar sulmuesin suedez Alexander Isak, pasi Newcastle United refuzoi një ofertë prej 110 milionë paundësh, raporton BBC Sport dhe gazetari Ben Jacobs.
Oferta, e bërë pa bonuse shtesë, ishte një nga më të mëdhatë në historinë e fundit të klubit nga Anfield. Megjithëse Isak ishte i hapur për kalimin te Liverpool dhe kishte rënë dakord për kushtet personale, qëndrimi i prerë i Newcastle për të mos e shitur ka bllokuar çdo negociatë.
Me objektivin kryesor jashtë mundësive dhe fillimin e sezonit të Premier League që po afron, Liverpool pritet të fokusohet te alternativa të tjera. Megjithatë, klubi është tashmë i përforcuar me afrimet e Florian Wirtz dhe Hugo Ekitike më herët gjatë verës.
